Summer in the City

(Die City ist in diesem Fall Frankfurt am Main.)

Wann Sommer is, mäscht alles naus, ins Bad, in Park, ins Freie. Uff jeddeme griene Fleck duhn dann Bikinimeedscher leihe. Isch geh vorbei, isch hab mei Ziel, isch will net in die Sonn. Will bei die Mussik. Uff de Bühn spielt nämlisch heut en Arschendienijer Bandoneon.

Ohje, da sinn schon ganz vill Leut mit Koldern un mit Dasche, mit Dubberdose, Flasche.  Die hawwe alles mitgebracht, isch glaab, die bleiwe iwwer Nacht. Doch soll misch des net steern, isch will bloß Danggo heern.

De Kinstler kimmt un krieht Abblaus un spielt wie’n junge Gott, doch isch allaa mach mir was draus, die annern – sabberlott -, die dischgeriern un dischbediern un klabbern mit ihrm Gelärsch.  –
DO CRY FOR ME, ARGENTINA, un die Frankforder Babbelärsch!

Dieser Beitrag wurde unter Allgemein abgelegt und mit , verschlagwortet. Setze ein Lesezeichen auf den Permalink.